അക്ഷരങ്ങളുടെ ലോകത്ത് സ്വപ്നസഞ്ചാരിയായ എന്റെ എഴുത്തിനു കൃത്യതയും, കയ്യടക്കവും ആസ്വാദ്യതയും കണ്ടെന്നു വരുകയില്ല , ക്രമേണ അവയിലേക്കു എത്തിപെടാനുള്ള ഒരു സഞ്ചാരമാണ് .നിങ്ങളുടെ സത്യസന്ധമായ അഭിപ്രായങ്ങളും പ്രോത്സാഹനങ്ങളുമാണ് ആ യാത്രയുടെ ഊർജ്ജം....

ചൊവ്വാഴ്ച, മേയ് 31, 2011

ജന്മാന്തരങ്ങള്‍ 

എന്നമ്മ തന്‍ തങ്കക്കുടമായ് ഇനിയും പിറക്കേണം,
അമ്മയൊടൊപ്പം ഓടികളിക്കണം .

അച്ഛന്റെ വിരലില്‍ തൂങ്ങി നടക്കാന്‍ പഠിക്കേണം,
അച്ഛന്റെ കവിളില്‍ മുത്തങ്ങള്‍ ഏകണം.

തൊടിയിലെ തുമ്പപുവ് ഈറുക്കേണം,
പൂവാലി പശുവിന്‍റ്റേ വാലില്‍ പിടിക്കേണം

ഇടവപാതി മഴയില്‍ ആടിതിമിര്‍ക്കേണം,
തേന്മാവിന്‍ തുഞ്ചത്ത് ഊഞ്ഞാല് കെട്ടണം,

മുവാണ്ടന്‍ മാവിന്റെ കൊമ്പത്തു കയറേണം
തുഞ്ചത്തെ കൊമ്പിലെ മാമ്പഴം നുകരേണം .

എന്നുടെ വ്യാധികള്‍ അറിയുന്ന ദൈവമേ,
എന്നുടെ ആധികള്‍ തീര്‍ത്തിടേണമെ,

ഇനിയുമനേകം ജന്മം ഈ ഭൂമിയില്‍ തീര്‍ക്കുവാന്‍,
കൊതിയോടെ  കെഞ്ചിടുന്നെ.....

വെള്ളിയാഴ്‌ച, മേയ് 27, 2011

പാഴ്ച്ചെടിയുടെ വിലാപം

നീ മായും പൊന്‍ മേഘമൊ..
മെല്ലെ തലൊടും തെന്നലൊ
പൂവില്‍ നിന്നുതിരും തേന്‍കണമൊ..
മായുന്നിതൊ മരിവില്‍ പൂവെ നീ
ഈ പാഴ്ച്ചെടി  കണ്ണീരൊട് ഓതുന്നു
പൊവല്ലെ പൂവെ നീ .....

ചൊവ്വാഴ്ച, മേയ് 24, 2011

കനിമൊഴിയെ കഠിനമായി ചോദ്യം ചെയ്തു

1. 2ജിയും 3ജിയും തമ്മിലുള്ള വ്യത്യാസമെന്താണ് ?
2. 2ജിയില്‍ വിഡിയോ കോളിങ് പറ്റാത്തത് എന്തുകൊണ്ട് ?
3. സിനിമക്കാരനായ അച്ഛനെയാണോ രാഷ്ട്രീയക്കാരനായ അച്ഛനെയാണോ കൂടുതലിഷ്ടം ?
4. അച്ഛന്‍ തിരക്കഥയെഴുതുന്ന സിനിമയില്‍ നായികയാവാന്‍ ക്ഷണം ലഭിച്ചാല്‍ സ്വീകരിക്കുമോ ?
5. സാരിയും ചുരിദാറും മാറി മാറി ധരിക്കാറുണ്ടല്ലോ, വ്യക്തിപരമായി ഏത് വേഷമാണ് കൂടുതലിഷ്ടം ?
6. മാധ്യമപ്രവര്‍ത്തനത്തില്‍ നിന്നാണല്ലോ രാഷ്ട്രീയത്തിലെത്തുന്നത്. ഇന്നത്തെ മാധ്യമപ്രവര്‍ത്തകര്‍ക്ക് എന്തുപദേശമാണ് കൊടുക്കാനുള്ളത് ?
7. മറക്കാനാവാത്ത എന്തെങ്കിലും ഒരു അനുഭവം ?
8. വായിക്കാറുണ്ടോ ? എങ്ങനെയുള്ള പുസ്തകങ്ങളാണ് വായിക്കാറുള്ളത് ?
9 യാത്രകള്‍ ഇഷ്ടമാണോ ? ഇഷ്ടപ്പെട്ട ടൂറിസം ഡെസ്റ്റിനേഷന്‍ ?
10.എങ്ങനെയുള്ള പുരുഷന്മാരെയാണ് ഇഷ്ടം ?
11.പ്രണയസങ്കല്‍പങ്ങള്‍ എങ്ങനെയാണ് ?
12.സൗന്ദര്യത്തിന് പ്രണയത്തില്‍ എത്രത്തോളം പ്രാധാന്യമുണ്ട് ?
13.ഒറ്റയ്‍ക്ക് വിജനമായ ഒരു ദ്വീപില്‍ അകപ്പെട്ടു പോയി എന്നു കരുതുക, ആദ്യം ഡയല്‍ ചെയ്യുന്നത് ആരുടെ നമ്പരായിരിക്കും ?
14.സല്‍മാന്‍ ഖാനെ ഇഷ്ടമാണോ ?
15.പാചകം ഇഷ്ടമാണോ ? സ്വയം പാചകം ചെയ്യുന്നതില്‍ ഏറ്റവും മികച്ചത് എന്താണ് ?
16.സ്വര്‍ണമാണോ പ്ലാറ്റിനമാണോ കൂടുതലിഷ്ടം ?
17.ബ്ലോഗ്, ബ്ലോഗിങ് ഇവയെപ്പറ്റിയൊക്കെ എന്താണ് അഭിപ്രായം ?
18.വിവാദങ്ങളുണ്ടാകുമ്പോള്‍ മനസ്സ് തളരാറുണ്ടോ ? എങ്ങനെ ഇതൊക്കെ നേരിടുന്നു ?

ഭരത് സലീംകുമാര്‍

ആദാമിന്റെ മകന്‍ അബു എന്ന ചലച്ചിത്രത്തിലെ അഭിനയം വഴി എല്ലാവരേയും ഞെട്ടിച്ചു കൊണ്ടു ദേശിയ പുരസ്‌ക്കാരം നേടിയ സലിംകുമാറിനു ചലച്ചിത്ര രംഗത്തു നിന്നു തന്നെ പാരകള്‍, പലര്‍ക്കും ഇത് ഇപ്പോളും അങ്ങോട്ട് ദഹിക്കാന്‍ കഴിയണില്ലാ..ഭരത് സലിം കുമാര്‍ എന്നു പറഞ്ഞപ്പോള്‍ മാത്രം ഇവിടെ ചിലര്‍ ഭരത് എന്ന പ്രയോഗം എടുത്തു കളഞ്ഞതാണ് എന്നും അതുപയോഗിക്കുന്നത് തെറ്റാണ് എന്നും പ്രഖ്യാപിച്ചത് . സംഗതി സത്യമാണ് എങ്കിലും ഭരത് എന്ന ബഹുമതി എടുത്തു കളഞ്ഞത് കഴിഞ്ഞ ആഴ്‌ച്ചയോ കഴിഞ്ഞ മാസമോ ഒന്നും അല്ലാ. വര്‍ഷങ്ങള്‍ക്ക് മുമ്പാണ്. എന്നിട്ടും മമ്മൂട്ടിയെയും മോഹന്‍ലാലിനെയും ഭരത് എന്നു പലവട്ടം പലരും വിശേഷിപ്പിച്ചപ്പോഴും ഒരു അനൗചിത്യവും തോന്നാത്തവര്‍ക്ക് ഭരത് സലിംകുമാര്‍ എന്നു പറഞ്ഞുകേട്ടപ്പോള്‍ ഈ തിരിച്ചറിവുണ്ടായതാണ് രസകരം തന്നെ. പക്ഷേ ഈ പറയുന്നവര്‍ തന്നെ സൂപ്പര്‍ സ്‌റ്റാറുകളോടു പേരിനോടൊപ്പം ഭരത് എന്നു ചേര്‍ക്കാന്‍ മത്‌സരിക്കുകയാണു.ഭരത് സലിംകുമാര്‍ എന്നു വിശേഷിപ്പിച്ചാല്‍ ഭാരതസര്‍ക്കാരിന്റെ ബഹുമതിയെ ദുരുപയോഗിച്ചതിന് നിയമനടപടി പോലും വരാമെന്നു മുന്നറിയിപ്പു പോലും തരുന്നുണ്ട് ചിലര്‍ .
Related Posts Plugin for WordPress, Blogger...